من طرف hanyabdelwahab الثلاثاء 8 فبراير 2011 - 0:22
بسم الله الرحمن الرحيم
مصر
مصر دى هى الشئ الوحيدالا مقدرتش ابدا اكرهه لما الا فيه قسى عليا تشكيلة من الناس زى ما يكونوا كدة حبات سكر نبات فيهم الحلو والحلو زيادة ووقت الجد ميعرفوش الكره والا المصالح والله بجد بجد انا مكنت متصور ان بلدنا فيها لسة حاجة حلوة ابدا وكنت بقول امتى تجيلى فرصة امشى بس كنت بقول جوا نفسى وهو انا لو جاتلى الفرصة هلاقى بلدتانية احبها قد كدة متهيألى انى لو طلعت فى طيارة برة اليلد روحى تسيب جسمى اول من سيب المجال الجوى لمصر هتسيبه وترجع لها كنت بقول لواحد صاحبى كدة لو ركبت طيارة روحى هتسبنة وتنط على فكرة انا اخترت انى اعبر بالاسلوب العادى وقاصد انه يكون مش متفلسف ولاحاجة اصل لما تيجى تعبر عن حب شئ كبير زى مصر لو اتفلسفت هيضيع الحب وسط المفردات التقيلة يعنى معتقدش ابدا انى ممكن افتح يوم عنيا على بلد تانية اممممش عارف كمان الناس الا بيحاولوا يفرقوا بين المسلمين والمسيحيين هقول موقف فى ازمتنا دى دخلوا بلطجية عندنا الحى بعربيات وسنج وحاجات والله عمرى ما شوفتها الا سينما نزلت اجرى للعامرة من تحت ساكن معايا قسيس كنيسةالبلد وقعت اترجى فيه واقوله والنبى يابونا امشى امشى مش عارفين مين دول خد الولاد وامشى قال ابدا انا قاعد مش ماشى وزقنى جامد وقالى انا هموت معاكم فى العمارة دى ومش طالع منها استنى انا بعت الولاد بالعربيةالكنيسة يجيبوا حاجة راحوا الولاد جابوا من الكنيسة مواسير المية القديمة وخشب السقالات بتاع البنايين الا كانوا بيجددوا الكنيسة وفرق ابونا الحاجات على الجيران فى الحى حمينا حيبنا بحديد الكنيسة ( حديد الكنيسة فى ايدين المسلمين) لما الاقى بلد تانية ممكن ده يحصل فيها احبها اسف كمان بجد الموقف ده عمل معايا الا معلش يا اسلام معملتوش التنمية البشرية انا الجبان او الخجول او المنطوى الى حد ما كنت ابات طول الليل فى الشارع ومعايا حديدة والف الشوارع المجاورة لنا انا والشباب والله ما حسيت بذرة خوف ولا حتى ثانية واحدة وفى لحظة لقيتنى بكلم الشباب وبعرف الناس واستغربت هو ايه الا حصل حتى لدرجة انى كنت ناوى اكلم اسلام واسالوا ايه الا حصل وغيرنى كدة مخفتش ليه مهربتش ونمت فى سريرى ليه ايه القوة دى جات منين حب البلد انا اسف جدا للاطالة الغريبة دى بس طلعت ب قرار بعد الا حصل ده ان شاء الله نا هدرس اعلام بعد الا شفناه كلنا من الهجمات علينا هدرس اعلام حتى لو اضطريت انى اشتغل فى ورش الطوب و او اشتغل حتى كناس بأجر علشان ارد انا عندى الملكة دى ومش هضيعها راح زمن الخوف والانكسار ( انا جيت) [b]
» روعة عدم اللقاء للدكتورة مها محمد شحاته
» سؤال مُحيّري للدكتورة مها محمد شحاته
» مقابر الذكريات للدكتورة مها محمد شحاته
» شهادات وفاة ، وسرادقات عزاء للدكتورة مها محمد شحاته
» الموندِيـال العائلي .. للدكتورة مها محمد شحاته
» صناعة مجرم .. للدكتورة مها محمد شحاته
» هل كلنا صائمون؟! للدكتورة مها محمد شحاته
» كيف تصنع أعداءك ليُصبح لهم دورٌ حيويٌ في حياتك؟ للدكتورة مها محمد شحاته